| ഭാഷ | സ്പാനിഷ് |
| സംവിധാനം | Demián Rugna |
| പരിഭാഷ | ബിനോജ് ജോസഫ് |
| ഴോൺറെ | ഹൊറർ |
| Rating | IMDb |
ഒരു ഗ്രാമത്തിൽ തിന്മയ്ക്ക് ജന്മം നൽകാൻ പോകുന്ന, ദുരാത്മാവ് ബാധിച്ച ഒരു മനുഷ്യനെ സഹോദരന്മാരായ പെഡ്രോയും, ജൈമിയും കണ്ടെത്തുന്നതോടെയാണ് സിനിമ ആരംഭിക്കുന്നത്. ആ ശരീരത്തെ അവിടെ നിന്ന് മാറ്റാൻ അവർ ശ്രമിക്കുന്നുണ്ടെങ്കിലും, അതിലൂടെ അറിയാതെ തന്നെ ആ ഗ്രാമത്തിലാകെ അവർ ആ പൈശാചിക ബാധ വ്യാപിപ്പിക്കുകയാണ് ചെയ്യുന്നത്. അധികം വൈകാതെ തന്നെ മനുഷ്യരെയും മൃഗങ്ങളെയും ഒരുപോലെ ബാധിക്കുന്ന ഒരു അമാനുഷിക മഹാമാരിയായി ആ തിന്മ മാറുന്നു.
പോലീസിന്റെയോ മറ്റ് അധികാരികളുടെയോ സഹായം ഇതിൽ ലഭിക്കില്ലെന്ന് മനസ്സിലാക്കുന്ന ഗ്രാമവാസികളും ഈ സഹോദരന്മാരും അവിടെ നിന്ന് പലായനം ചെയ്യാൻ ശ്രമിക്കുന്നുണ്ടെങ്കിലും ആരും അതിൽ നിന്ന് സുരക്ഷിതരല്ലെന്ന് അവർ തിരിച്ചറിയുന്നു. ഒടുവിൽ ഗത്യന്തരമില്ലാതെ, ഈ പൈശാചിക വിപത്തിനെ നേരിടാൻ അറിവുള്ള ഒരു വിദഗ്ദ്ധന്റെ (ക്ലീനർ) സഹായം അവർ തേടുന്നു. അതിവേഗം പടരുന്ന ഈ അന്ധകാരത്തെയും തിന്മയെയും ഇല്ലാതാക്കാനും സ്വന്തം ജീവൻ രക്ഷിക്കാനും കർശനമായ ചില നിയമങ്ങൾ പാലിച്ച് അവർ നടത്തുന്ന അതിജീവനത്തിന്റെ ഭയപ്പെടുത്തുന്ന പോരാട്ടമാണ് ഈ സിനിമയുടെ ഇതിവൃത്തം.
