| ഭാഷ | ഡാനിഷ് |
| സംവിധാനം | Anders Thomas Jensen |
| പരിഭാഷ | അനൂപ് പി സി |
| ഴോൺറെ | ഡാർക്ക് കോമഡി |
| Rating | IMDb |
അൻഡേഴ്സ് തോമസ് ജെൻസൻ സംവിധാനം ചെയ്ത ‘ദ ലാസ്റ്റ് വൈക്കിംഗ്’ (2025) എന്ന ചിത്രം മാൻഫ്രഡ് (മാഡ്സ് മിക്കൽസൺ), അങ്കർ (നിക്കോളാസ് ലീ കാസ്) എന്നീ രണ്ട് സഹോദരങ്ങളുടെ വിചിത്രമായ ജീവിതകഥയാണ് പറയുന്നത്. 14 വർഷത്തെ ജയിൽവാസത്തിന് ശേഷം പുറത്തിറങ്ങുന്ന അങ്കർ, താൻ ഒളിപ്പിച്ചുവെച്ച കവർച്ചാമുതൽ വീണ്ടെടുക്കാൻ ശ്രമിക്കുന്നു. എന്നാൽ ആ പണം എവിടെയാണെന്ന് അറിയാവുന്ന ഏക വ്യക്തിയായ സഹോദരൻ മാൻഫ്രഡിന് ഇപ്പോൾ താൻ വിഖ്യാത ഗായകൻ ജോൺ ലെനൻ ആണെന്ന മാനസിക വിഭ്രാന്തിയാണ്. തന്റെ പഴയ വ്യക്തിത്വം മറന്നുപോയ മാൻഫ്രഡിൽ നിന്ന് വിവരങ്ങൾ ചോർത്തിയെടുക്കാൻ അങ്കർ നടത്തുന്ന ശ്രമങ്ങളാണ് ചിത്രത്തിന്റെ ഇതിവൃത്തം.
മറവിയിലാണ്ട ആ പണം കണ്ടെത്താനായി ജോൺ ലെനൻ എന്ന മാൻഫ്രഡിന്റെ ഫാന്റസി ലോകവുമായി അങ്കറിന് സഹകരിക്കേണ്ടി വരുന്നു. ഇതിന്റെ ഭാഗമായി മറ്റ് മാനസികരോഗികളെ ഉൾപ്പെടുത്തി ‘ദ ബീറ്റിൽസ്’ സംഗീത ബാൻഡ് പുനഃസൃഷ്ടിക്കാനുള്ള വിചിത്രമായൊരു യാത്രയിൽ ഇവർ ഏർപ്പെടുന്നു. വയലൻസും, ഹാസ്യവും നിറഞ്ഞ ഈ യാത്രയിലൂടെ വ്യക്തിത്വം, കുടുംബബന്ധങ്ങൾ, കുറ്റബോധം എന്നിവയെ വളരെ രസകരമായും, ഗൗരവകരമായും സിനിമ അവതരിപ്പിക്കുന്നു. മാൻഫ്രഡിന്റെ സാങ്കൽപ്പിക ലോകവും, അങ്കറിന്റെ യാഥാർത്ഥ്യബോധവും തമ്മിലുള്ള സംഘർഷത്തിലൂടെയാണ് ഈ ഡാർക്ക് കോമഡി വികസിക്കുന്നത്.
