| ഭാഷ | പേർഷ്യൻ |
| സംവിധാനം | Jafar Panahi |
| പരിഭാഷ | അനൂപ് പി സി |
| ഴോൺറെ | ക്രൈം/ത്രില്ലർ/മിസ്റ്ററി |
| Rating | IMDb |
പാലം ഡി ഓർ പുരസ്കാരം നേടിയ ജാഫർ പനാഹിയുടെ ‘ഇറ്റ് വാസ് ജസ്റ്റ് ആൻ ആക്സിഡന്റ്’, പ്രതികാരം, കുറ്റബോധം, കരുണ എന്നിവയെക്കുറിച്ചുള്ള ശക്തമായ കഥയാണ്. അസർബൈജാനിലെ മെക്കാനിക്കായ വഹീദ്, താൻ തടവിലായിരുന്നപ്പോൾ പീഡിപ്പിച്ചവരിൽ ഒരാളാണ് തന്റെ വർക്ക്ഷോപ്പിലെത്തിയ ഇഖ്ബാൽ എന്ന് സംശയിക്കുന്നതിലൂടെയാണ് സിനിമ വികസിക്കുന്നത്. ഒരു ചെറിയ പ്രവൃത്തി ഉണ്ടാക്കുന്ന വലിയ പ്രത്യാഘാതങ്ങളെയും അതിന്റെ മാനുഷിക വശങ്ങളെയും ചിത്രം നിശബ്ദവും എന്നാൽ ഗൗരവമേറിയതുമായ രീതിയിൽ അവതരിപ്പിക്കുന്നു.
ഇറാനിയൻ സർക്കാരിന്റെ വിലക്കുകളെ അതിജീവിച്ച് പനാഹി ഒരുക്കിയ ഈ ചിത്രം ഗോൾഡൻ ഗ്ലോബ് നാമനിർദ്ദേശങ്ങൾ ഉൾപ്പെടെ നിരവധി അന്താരാഷ്ട്ര അംഗീകാരങ്ങൾ നേടിയിട്ടുണ്ട്. ഇറാനിയൻ ന്യൂ വേവ് സിനിമയിലെ പ്രമുഖനായ അദ്ദേഹം, ഈ ചിത്രത്തിലൂടെയും സാമൂഹിക വിമർശനവും നീതിക്കുവേണ്ടിയുള്ള നിലവിളിയും ഉയർത്തുന്നു. 56-ാമത് ഗോവ രാജ്യാന്തര ചലച്ചിത്ര മേളയിലും ഐ.എഫ്.എഫ്.കെ ഫെസ്റ്റിവൽ ഫേവറിറ്റ് വിഭാഗത്തിലും പ്രദർശിപ്പിക്കുന്ന ഈ ചിത്രം ഈ വർഷത്തെ ഏറ്റവും ശ്രദ്ധേയമായ സിനിമകളിൽ ഒന്നാണ്.
