ലോകത്താകെ ഏകദേശം 3.75 കോടി ആളുകൾ നമ്മുടെ മലയാളം സംസാരിക്കുന്നു. ഇവരിൽ ഓരോരുത്തർക്കും തങ്ങളുടെ സ്വന്തം ചിന്തകളും കാഴ്ചപ്പാടുകളും ഉണ്ടായിരിക്കാം. എന്നാൽ, ആശയങ്ങളിലും സംസ്കാരങ്ങളിലും ഉള്ള ഈ വൈവിധ്യങ്ങളെ മറികടന്ന്, നാനാത്വത്തിൽ ഏകത്വം കണ്ടെത്താനുള്ള ശക്തമായ ഒരു മാധ്യമമാണ് സിനിമ — അതാണ് മൂവി മിറർ കാണുന്നത്.

2020 ഓഗസ്റ്റിൽ രൂപംകൊണ്ട ഞങ്ങളുടെ ഈ കൂട്ടായ്മ, ഇംഗ്ലീഷ്, കൊറിയൻ, ജാപ്പനീസ്, ചൈനീസ്, ജർമ്മൻ, റഷ്യൻ, സ്പാനിഷ്, ഇറ്റാലിയൻ തുടങ്ങി നിരവധി ലോകഭാഷകളിലെയും, അതുപോലെതന്നെ മറ്റു ഇന്ത്യൻ ഭാഷകളിലെയും മികച്ച സിനിമകൾക്ക് മലയാള പരിഭാഷകൾ ഒരുക്കി വരുന്നു. നിങ്ങൾക്ക് പ്രിയപ്പെട്ട സിനിമകൾ ആസ്വദിക്കുമ്പോൾ ഭാഷ ഒരു തടസമാകരുത് എന്നുറപ്പാക്കിക്കൊണ്ട്, സൂക്ഷ്മതയോടും കൃത്യതയോടും കൂടി തയ്യാറാക്കിയ പരിഭാഷകളിലേക്കുള്ള പ്രവേശന കവാടമാണ് ഈ വെബ്സൈറ്റ്. ഇന്നോളം ലഭിച്ച സ്നേഹത്തിനും പിന്തുണയ്ക്കും ഹൃദയം നിറഞ്ഞ നന്ദി. അത് ഇനിയും തുടരുമെന്ന വിശ്വാസത്തോടെ,

– നിങ്ങളുടെ സ്വന്തം, മൂവി മിറർ