മെട്രോ (Metro) 2013

മോസ്‌കോ നദിയുടെ അടിയിലൂടെ കടന്നുപോകുന്ന ഭൂഗർഭ മെട്രോ ലൈനിൽ വിള്ളൽ വീഴുകയും ചോർച്ച സംഭവിക്കുകയും ചെയ്യുന്നു. ഗുരുതരമായ ഈ പ്രശ്നത്തെക്കുറിച്ച് സൂചന കിട്ടിയിട്ടും, അധികൃതർ അതിനെ കാര്യമായി ഗൗനിക്കുന്നില്ല. നിറയെ യാത്രക്കാരുമായി അതുവഴി കടന്നുപോയ ട്രെയിൻ ഭീകരമായൊരു അപകടത്തിൽപ്പെടുന്നു! നിരവധി മനുഷ്യ ജീവനുകൾ പൊലിഞ്ഞ ദാരുണമായൊരു ദുരന്തം. ഈ അപകടത്തിൽ നിന്നും രക്ഷപ്പെടുന്ന ഏതാനും ചിലരുടെ അതിജീവന കഥയാണ്, 2013 ൽ പുറത്തിറങ്ങിയ റഷ്യൻ ഡിസാസ്റ്റർ ത്രില്ലെർ സിനിമയായ ‘മെട്രോ’ പറയുന്നത്.

പ്രേക്ഷകരെ ത്രസിപ്പിച്ചിരുത്തുന്ന കാര്യത്തിൽ റഷ്യൻ ത്രില്ലറുകൾ എന്നും മുൻപന്തിയിലാണ്. ഈ സിനിമയിലും സ്ഥിതി വ്യത്യസ്തമല്ല. രണ്ട് മണിക്കൂർ പത്തു മിനിറ്റ് പൂർണമായും ത്രിൽ റൈഡാണ് സിനിമ നൽകുന്നത്. ഈ യോണറിൽ കാണാവുന്ന ക്ലീഷേകൾ ഈ സിനിമയും പിന്തുടരുന്നുണ്ടെങ്കിലും, അവതരണത്തിലെ മികവ് കൊണ്ട് അതെല്ലാം ആസ്വദിക്കാൻ പ്രേക്ഷകന് സാധിക്കും. സിനിമയിലെ അപകട രംഗങ്ങളും, യാത്രക്കാരുടെ അതിജീവനവുമെല്ലാം.. ആകാംക്ഷയോടെയും, ഭീതിയോടെയും, നെഞ്ചിടിപ്പോടെയും, ശ്വാസമടക്കിപിടിച്ചുകൊണ്ടും കണ്ടിരിക്കേണ്ടിവരും. ത്രില്ലിങ്ങായി മാത്രമല്ല, നല്ല ആഴത്തിൽ അവതരിപ്പിച്ചിരിക്കുന്ന കഥാപാത്രങ്ങൾ ഉള്ളതുകൊണ്ട് തന്നെ, ഇമോഷണലായും സിനിമ കണക്റ്റാവും.

അഭിപ്രായങ്ങൾ പങ്കുവെക്കാൻ