മൂവിമിറർ റിലീസ് - 395
| ഭാഷ | ഇംഗ്ലീഷ് |
| സംവിധാനം | Steven Kastrissios |
| പരിഭാഷ | പ്രവീൺ കുറുപ്പ് |
| ജോണർ | റിവഞ്ച്/ഡ്രാമ |
തന്റെ മകളെ തന്നിൽ നിന്നും തട്ടിയെടുത്തവരോട് ഒരച്ഛൻ നടത്തുന്ന പ്രതികാരകഥയാണിത് , കണ്ടിട്ടുള്ള പ്രമേയമാണെങ്കിലും റിയലിസ്റ്റിക് ആയി പ്രേക്ഷകർക്ക് തോന്നുവാൻ പാകത്തിന് എടുത്തിരിക്കുന്ന ആക്ഷൻ/ പ്രതികാര രംഗങ്ങളാണ് ഈ സിനിമയുടെ പ്രത്യേകത.
അമിതമായ മയക്കുമരുന്നുപയോഗംമൂലം തന്റെ മകൾ മരണപ്പെട്ട ദുഃഖത്തിൽ കഴിഞ്ഞ ആ നാല്പത്തിനാലുകാരനായ പിതാവിനെ തേടി ഒരു കൊറിയർ എത്തുന്നു . അതിനുള്ളിലെ വീഡിയോ ഏതൊരു പിതാവിന്റെയും ഹൃദയം തകർക്കുന്ന ഒന്നായിരുന്നു. അമർഷവും അടക്കാനാവാതെ അയാൾ കടുത്ത മാനസികസംഘർഷത്തിലാവുന്നു. പിന്നീട് അയാളുടെ മനസ്സിൽ പ്രതികാരം എന്ന ഒരേ ഒരു ചിന്ത മാത്രമേ ഉണ്ടായിരുന്നുള്ളു. മറ്റൊരു പെൺകുട്ടിക്കും ഈ അവസ്ഥ വരാതെയിരിക്കാൻ , മറ്റൊരച്ഛനും ഇങ്ങനെ മകളെ നഷ്ടപ്പെടാതെ ഇരിക്കാൻ ആ വീഡിയോയുടെ പിന്നിലെ എല്ലാവരെയും വകവരുത്താൻ ആ പിതാവ് ഇറങ്ങിത്തിരിക്കുന്നു.