ഇരുവർ (Iruvar) 1997

സിനിമ ഒരു സ്വപ്നമായി കൊണ്ടു നടക്കുന്ന ഒരുപാട് ആൾക്കാർ ഉണ്ടാവും, ഒരു നടനാവാൻ, സംഗീത സംവിധായകനാവാൻ, തിരകഥാകൃത്താവാൻ, ഛായാഗ്രഹകനോ, എഡിറ്ററോ ആകാൻ, അങ്ങനെ സിനിമയുടെ ഏത് മേഖലയിലേക്ക് നോക്കിയാലും ഒരു പാഠപുസ്തകമെന്ന് പറയാവുന്ന അതി ഗംഭീരമായ ഒരു സിനിമ. അതാണ് MGR-കരുണാനിധി സൗഹൃദത്തെ ആസ്പദമാക്കി സാക്ഷാൽ മണിരത്നം അണിയിച്ചൊരുക്കിയ ഇരുവർ. തമിഴ്നാട് പൊളിറ്റിക്സ് വളരെ മനോഹരമായി വരച്ചു കാട്ടുന്ന ഈ സിനിമ ദ്രാവിഡ രാഷ്ട്രീയത്തിന്റെ ആരംഭവും, വളർച്ചയുമൊക്കെ പ്രേക്ഷകർക്ക് മുന്നിൽ തുറന്നു കാട്ടുന്നുണ്ട്. ലോക സുന്ദരി ഐശ്വര്യ റായിയുടെ അരങ്ങേറ്റ ചിത്രം കൂടിയാണിത്. മോഹൻലാൽ-പ്രകാശ് രാജ് കോംബോയാണ് ഈ സിനിമയിലെ മറ്റൊരു പ്രത്യേകത. ഇരുവരും തങ്ങളുടെ വേഷങ്ങൾ അതിഗംഭീരമാക്കി. മോഹൻലാൽ എന്ന അതികായന്റെ കരിയറിലെ തന്നെ ഏറ്റവും മികച്ച പകർന്നാട്ടങ്ങളിൽ ഒന്നു തന്നെയാണ് ഇരുവർ. ഇന്നും സിനിമാ ലോകത്തെ പല പ്രമുഖർ തങ്ങളുടെ പ്രചോദനമായി കണക്കാക്കുന്ന ഈ സിനിമ ടോറന്റോ ഫിലിം ഫെസ്റ്റിവൽ, ബെൽഗ്രേഡ് ഫിലിം ഫെസ്റ്റിവൽ എന്നിവിടങ്ങളിൽ പ്രദർശിപ്പിക്കുകയും പുരസ്‌ക്കാരങ്ങൾ നേടുകയും ചെയ്തു. ആ കൊല്ലത്തെ ദേശീയ അവാർഡിലും പങ്കാളിത്തം നേടിയ ഇരുവർ ബ്രിട്ടീഷ് ഫിലിം ഇൻസ്റ്റിറ്റ്യൂട്ട് ഓഫ് സൈറ്റ് ആൻഡ് സൗണ്ട് തിരഞ്ഞെടുത്ത ലോകത്തിലെ ഏറ്റവും മികച്ച 1000 സിനിമകളിൽ ഒന്നാണ്.

നമ്മുടെ പ്രിയപ്പെട്ട ലാലേട്ടന്റെ ജന്മദിനത്തിൽ ഒരുപാട് സന്തോഷത്തോടെ ഈ പരിഭാഷ നിങ്ങൾക്കായി സമർപ്പിക്കുന്നു.

അഭിപ്രായങ്ങൾ പങ്കുവെക്കാൻ